大革命時期民歌選載(三首)

黃新傳搜集

(一)五更嘆(客家五句板山歌)

一更嘆來嘆貧窮，

一年欠債年年兇，

生借餞銀無典當，

奈何肚子受虧空，

唉也哉，烳鑼(鍋頭)睡貓公。

二更嘆來嘆饑荒，

一餐分做一天糧，

煮到一勺生米粥，

未曾轉碗又清光，

唉也哉，肚屎餓到粘背囊。

三更嘆來嘆天涼，

北風一起心就慌，

爛衫爛褲無多著，

窮人到底受風霜，

唉也哉，腳下冷崗上。

四更嘆來嘆奔波，

有做無食苦奈何，

割起禾頭無米煮，

債主上門知幾多，

唉也哉，門檻被人踏到低。

五更嘆來嘆凄涼，

窮人任做無春光，

三、四荒月無米煮，

餓到肌瘦面黃黃，

唉也哉，你話凄涼唔凄涼。

(二)童子團歌(福佬方言)

童子團，儂仔人。

你勿睇我儂仔無落田，

依仔團結起來有力量，

拿鐮鉤，握斧頭，

舉紅旗，開步走，

遇著反動派，

將伊刣了了，

土豪目猴猴，

劣紳肚腫腫，

地主和惡霸，

食飽經心事，

壓迫俺儂仔無書讀，

大家團結起，

殺死豪紳共地主!

(三)三句半話(客家方言)

放賬有錢儕(人)，

冤枉窮人家，

三分鍋蓋利，

格牙!

土豪心最狠，

強房欺弱房，

若是不順意，

上當!

土豪同劣紳，

專門害窮人，

一下不順眼，

無情!

若是租不夠，

谷種拿來湊，

甕里倒出來，

過斗!

無錢難拆債，

老妻拿來賣，

不夠交租錢，

受冤!